Addis Ababa,(insidesomalia.org)- ararka naga soo gaaraya Magaalada Addis Ababa ee Dlka Itoobiya ayaa sheegaya in Madaxda Dowladda KMG ah ee Soomaaliya kulamo lagu doonayo in lagu xaliyo khilaafka ka dhex jiro ay ku leeyihiin dalkaasi, waxaana kulankii ugu danbeeyay ee Mas'uuliyiintan isugu yimaadeen xalay kaasoo ka dhacay Hotel Hilton ee Addis Ababa.

Lama oga waxyaabihii ay kulankaasi ugu haleen iyo waxyaabihii ay isla gaareen, balse waxaa la filayaa in manta kulan kale ay mar kale isugu imaanayaan kaasoo laga qabo in ay ku gaaraan go'aan mideysan oo meesha ka saaraya khilaafka iyo mad madowga ku dhex jira Madaxweyne Cabdullaahi Yuusuf iyo Ra'iisul Wasaare Nuur Cadde.

Warku wuxuu intaa ku darayaa in Mas'uuliyiinta Dowladda aysan jirin cid oo dhex gashay khilaafkooda, iyadoo loo dhinac yeelay in ay iyaga xaliyaan balse Ra'iisul Wasaaraha Itoobiya Males Zenawi uu ka codsaday si wada jir ah in khilaafka jira lagu xaliyo wada hadal iyo in la isa saxo, iyadoo manta rajo laga qabo in go'aano mideysan ay lla soo baxaan kulanka manta dhici doona.

Shacabka Soomaaliyeed ayaa waxay ka war sugayaan natiijada iyo warka ka soo yeeri doona Kulamka lanadan Ma,uul, iyadoo marka heshiis dhab ah uu dhaco la iskuna af garto waxyaabihii mad madowga dhaliyay in loo soo bandhigi doono.